ефекти главно поради нарушување на квалитетот на тутунската суровина. Поради тоа, за решавање на проблемите поврзани со оваа болест во наши услови, неопходно е проучување на предизвикувачот - патогената габа A. alternata. Поради широкиот круг на домаќини и големата улога на еколошките фактори врз појавата и ширењето на болеста, со овие истражувања сакавме да испитаме какво е влијанието на истите врз биологијата на овојпатоген. Проучувано е влијанието на хранливата средина, температурата и светлината врз процентот на из’ртени конидии и начинот на ‘ртење на конидиите. Притоа беше констатирано дека тие ‘ртат подобро во средините побогати со хранливи материи. Конидиите из’ртеле во најголем процент во сок од тутун, а најбрзо во сок од домат.

Зголемувањето на температурата позитивно влијае врз ‘ртењето на конидиите, а оптималната температура изнесува 28оС. Исто така, конидиите ртат подобро во темни услови, отколку на светлина. Бидејќи проучувањето на одредена болест се заснова врз првичниот пристап кон патогенот и, поконкретно, неговите биолошки особини, сметаме дека овие истражувања се од особен интерес за проучување на патологијата на болеста кафена дамкавост и дека ќе придонесат за преземање на превентивни мерки за заштита од неа.

Клучнизборови Alternaria alternata, тутун