Во трудот се користени главно статистички податоци за количеството на произведен,

потрошен, извезен и увезен тутун во периодот од 2001 до 2010 година. Врз база на овие податоци авторите прават биланси на понудата и побарувачката на тутун. По дефиниција, билансот е разликата помеѓу понудата и побарувачката на тутун и производи од тутун. Билансот го прикажуваат во материјален и финансиски израз. Авторите утврдиле дека, главно, на пазарот на тутун во Република Македонија се нуди поголемо количество отколку што се бара, но и дека во одредени периоди има поголема побарувачка од расположливото количество. Анализата на билансот во вредносен израз покажала дека во целиот истражуван период билансот е негативен, т.е. вредноста на побарувачката на тутун е за 158,2% повисока од вредноста на тутунот и производите од тутун што се нудат на македонскиот пазар.